Məktəb Direktorundan "Xoş gəlmisiniz" məktubu

Qari Krippin

Avropa Azərbaycan Məktəbinə xoş gəlmişsiniz!

EAS-ın direktoru kimi Sizi getdikcə böyüyən və diqqət çəkən icmamızda salamlamağa çox şadam.

Bakıda təhsil almaq üçün bir çox məktəblərin olduğunu bilirik və övladınızın təhsili üçün məhz EAS-ı seçdiyinizə görə çox şadıq.

Mən son bir neçə il ərzində EAS-dakı inkişafdan məmnunam. İki il əvvəl biz Badamdarda V-XI siniflər üçün orta məktəb binasının açılışını etdik. Xüsusi məqsədlər üçün tikilmiş bu bina şagirdlərin təlimini, eyni zamanda getdikcə artan şagird və işçi sayını mükəmməl şəkildə dəstəklmək üçün ən müasir məktəb kompleksidir. Biz, həmçinin, bu yaxınlarda ecazkar, macəra dolu oyun meydançasını qurmaqla ibtidai məktəb binasını da təkmilləşdirmişik. Bundan əlavə, hazırda bizim getdikcə böyüyən Erkən Təlim Mərkəzində (ETM) 4-5 yaşlı uşaqlar üçün tədris iki dildə aparılmağa başlanmışdır.

EAS-dakı bu inkişaf tədris və təlim proqramlarında genişlənən imkanlarla müşayiət olunur. İbtidai Təhsil və Diplom Proqramları səviyyəsində Beynəlxalq Bakalavriat (IB) proqramlarının əlavə edilməsi bizim öyrənmə mühitini daha da zənginləşdirmişdir. Biz, həmçinin, keçən dərs ilində VIII-IX siniflərdə Orta Təhsil üzrə Beynəlxalq Ümumi Sertifikat (İGCSE) proqramını da tətbiq etməyə başlamışıq. Bu proqram X-XI siniflərdə Diplom Proqramına daxil olan şagirdlər üçün mükəmməl hazırlıqdır. Azərbaycan Milli Kurikulumu üzrə təhsili seçən şagirdlər üçün biz bu ölkədə şagirdləri universitet imtahanlarına yüksək səviyyədə hazırlayan hərtərəfli proqram təklif edirik. Bu proqramlar şagirdlərin necə düşünməyi və öyrəndiklərini necə tətbiq etməyi bilməsinin vacib olması haqqında bizim məqsədlərimizi dəstəkləyir. Onlar, həmçinin, şagirdləri öz istedad və qabiliyyətlərini ən yüksək səviyyədə inkişaf etdirmək imkanı ilə təmin edən təhlükəsiz və qayğıkeş təlim mühitinin yaradılması istiqamətində də bizim səylərimizi dəstəkləyir. EAS-ın şagirdləri şəxsi səylər və özünü motivasiyanın məktəbdə və həyatda uğur üçün ilk şərt olduğunu bilirlər. Bizim həm yerli, həm də beynəlxalq müəllimlərimiz tədqiqat əsaslı təlimə, tənqidi təfəkkürün inkişafına və ideyaların həm yerli, həm də beynəlxalq fəaliyyət səviyyələrində tətbiq edilməsinə yönəlmiş Beynəlxalq Bakalavriatın tədris metodologiyaları üzrə güclü hazırlıq keçmişlər. Məktəbimizin missiyasında da qeyd olunduğu kimi, biz şagirdlərimizi XXI əsr dünyasında fəaliyyət göstərmək və müvəffəqiyyət qazanmaq üçün vacib olan bacarıqlarla təmin etməyə çalışırıq.

Bundan əlavə, mən müəllim heyətinin peşəkarlığına diqqəti cəlb etmək istəyirəm. Yüksək səviyyədə təlim keçmiş beynəlxalq müəllimlər keyfiyyətli təhsili həqiqi mənada təmin etmək üçün peşəkar yerli əməkdaşlarımızla çiyin-çiyinə çalışırlar. Müəllimlərin qabaqcıl təhsil metodologiyasını bilməsi və tətbiq etməsi üçün məktəb ibtidai və orta təhsil səviyyələrində bir çox peşəkar inkişaf imkanlarını təmin edir. Təlim keçmiş inzibati işçi heyəti bu vacib sahədə müəllimlərin səylərini dəstəkləyir və istiqamətləndirir.

Məsləhət mərkəzi və dil dəstəyi də EAS-ın proqramlarının mühüm hissəsidir. Bizim Beynəlxalq Bakalavriat proqramı üzrə təhsil alan ilk XI sinif məzunlarımız Böyük Britaniya, ABŞ və Kanadanın ən yaxşı universitetlərində yerlərini müəyyən etmişlər. Bundan başqa, çoxlu sayda keçirilən valideyn məlumat sessiyaları (iclasları) valideyn icmasına EAS-ın proqramları haqqında daha çox şey öyrənmək və bizimlə dialoq qurmaq imkanı verir.

Təhsil proqramlarımızla yanaşı, biz bir sıra şagird fəaliyyətləri və dərnəkləri də təklif edirik. Oğlanlar və qızlar üçün idman proqramlarımızın sayı sürətlə artır və biz indi bir çox yerli məktəblərlə yarışırıq. Şagirdlərimiz, həmçinin bilik olimpiadalarında, BMT Modeli və Avropa Gənclər Parlamenti proqramlarında da iştirak edirlər. Bizim həm Bakıda, həm də xaricdə ingilis dili üzrə yay düşərgəsi proqramlarımız da var.

EAS-da, eyni zamanda, texnologiya və kitabxana resursları sahəsində də əhəmiyyətli artım olduğu müşahidə olunur. İbtidai məktəbdə “Şagird iPad proqramı” və orta məktəbdə “Laptop təşəbbüsü” bunun üçün yalnız iki əhəmiyyətli nümunələrdəndir. Məktəb, həmçinin, bütün səviyyələrdə bu resurslardan dərslərin tədrisində istifadə etmək üçün müəllimlərə kömək məqsədi ilə müvafiq əməkdaşlarla da təmin etmişdir.

Sonda, icazə verin, bir daha Sizə EAS-a xoş gəlmişsiniz deyim. Bizim kurrikulum təlimatı üzrə icmalı nəzərdən keçirdikdə, Siz daha ətraflı məlumat əldə edə biləcəksiniz.

Dr. Qari Krippin
Direktor